ព័ត៌មាន

ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា បានអនុញ្ញាតឱ្យ លោក អែលឌីរ ជីវិនឡាន (Elder Dale G.Renlund) ថ្នាក់ដឹកនាំជាន់ខ្ពស់សាសនាចក្រនៃព្រះយេស៊ូវគ្រីស្ទនៅសហរដ្ឋអាមេរិក(LDS)ដឹកនាំគ្រីស្ទបរិស័ទថ្ងៃចុងក្រោយ ចូលជួបសម្តែងការគួរសមនិងពិភាក្សាការងារ នាព្រឹកថ្ងៃទី២២ ខែមករា ឆ្នាំ២០២៤ នៅទីស្តីការក្រសួង ។

លោក អែលឌីរ ជីវិនឡាន (Elder Dale G.Renlund) បានសម្តែងនៅការអរគុណប្រមុខរាជរដ្ឋាភិបាលកម្ពុជាដែលតែងតែសហការនិងផ្តល់ការទុកចិត្ត ឲ្យវត្តមានសាសនាចក្រនៃព្រះយេស៊ូវគ្រីស្ទនៅសហរដ្ឋអាមេរិក(LDS)ដឹកនាំគ្រីស្ទបរិស័ទថ្ងៃចុងក្រោយ ធ្វើការយ៉ាងសកម្មជាមួយក្រសួងធម្មការនិងសាសនា ចាត់តាំងពីអាណត្តិទី៤រហូតដល់អាណត្តិទី៧ថ្មីនេះ។ ជាមួយគ្នានេះ លោក បានជម្រាបជូន ឯកឧត្តមរដ្ឋមន្រ្តី អំពីការងារសំខាន់ៗចំនួន៣ដែលក្រុមការងាររបស់សាសនាចក្រធ្វើការកន្លងមកនៅកម្ពុជា ដោយផ្តោតសំខាន់ទៅលើ ការអប់រំ សុខាភិបាល និងទឹកស្អាតជាដើម។

ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា បានស្វាគមន៏យ៉ាងកក់ក្តៅ និងគាំទ្រយ៉ាងពេញទំហឹងជាមួយការងារមនុស្សធម៌របស់សាសនាចក្រនៃព្រះយេស៊ូវគ្រីស្ទនៅសហរដ្ឋអាមេរិក ដែលបានរួមចំណែកជាមួយរាជរដ្ឋាភិបាលកម្ពុជា ពិសេសបានសហការយ៉ាងជិតស្និតជាមួយក្រសួងធម្មការនិងសាសនានៅក្នុងវិស័យអាទិភាពសំខាន់ចំនួន៣គឺ ការអប់រំ សុខាភិបាល និងទឹកស្អាត ដែលបានចំណាយទឹកប្រាក់អស់ប្រមាណ២២លានដុល្លា។
ឯកឧត្តមចាយ បូរិន រដ្ឋមន្ត្រី ក្រសួងធម្មការនិងសាសនាសង្ឃឹមថា លោក អែលឌីរ ជីវិនឡាន (Elder Dale G.Renlund) និងពិចារណាជួយលើវិស័យអប់រំ សុខាភិបាល និងទឹកស្អាត នៅក្នុងមូលដ្ឋានស្រុកតំបែរ ស្រុកក្រូចឆ្មា និងស្រុកមេមុត ខេត្តត្បូងឃ្មុំ ដែលជាទីតាំងប្រវត្តិសាស្រ្តរបស់ថ្នាក់ដឹកនាំកម្ពុជាក្នុងការដណ្តើមសេរី និងសន្តិភាពជូនប្រជាជនកម្ពុជា ទៅតាមលទ្ធភាពដើម្បីបន្តរួមចំនែកអភិវឌ្ឍន៏ជាមួយរាជរដ្ឋាភិបាលកម្ពុជាតាមរយៈក្រសួងធម្មការនិងសាសនា។

នៅក្នុងដំណើរទស្សនកិច្ចនេះ ឯកឧត្តម ចាយ បូរិន សូមជូនពរ លោក អែលឌីរ ជីវិនឡាន (Elder Dale G.Renlund)និងគណៈប្រតិភូសាសនាចក្រដែលបានអញ្ជើមកពីសហរដ្ឋអាមេរិក ទទួលបាននៅសុវត្ថិភាពក្នុងការធ្វើដំណើរ និងទទួលបានជោគជ័យគ្រប់ភារកិច្ចលើគ្រប់រូបភាពមនុស្សធម៌ផ្សេងៗជាមួយប្រជាជនកម្ពុជា ពិសេសសូមស្វាគមន៏យ៉ាងកក់ក្តៅនៅការវិលត្រលប់ជាថ្មីម្តងទៀតរបស់លោក និងគណៈប្រតិភូសាសនាចក្រមកលើទឹកដីកម្ពុជា ៕

ពិធីផ្សព្វផ្សាយខ្លឹមសារ​ អនុសំវច្ចរមហាសន្និបាតមន្រ្តីសង្ឃទូទាំងប្រទេសលេីកទី៣១​ នៅខេត្តស្ទឹងត្រែង ក្រោមព្រះអធិបតីភាព​ សម្ដេច​ព្រះពុទ្ធជ័យមុនី​ បណ្ឌិត​ ឃឹម​ សន​ ព្រះប្រធានលេខាធិការដ្ឋានគណសង្ឃនាយក​ នៃព្រះរាជាណាចក្រកម្ពុជា​ ឯកឧត្តម អន ធាងអាន តំណាងឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា

ថ្ងៃអាទិត្យ ១១ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ថ្ងៃទី២១ ខែមករា ឆ្នាំ២០២៤

មន្ទីរធម្មការនិងសាសនាខេត្តរតនគិរី និងសាលាគណខេត្តទាំងពីរគណៈ បានប្រារព្ធពិធីផ្សព្វផ្សាយខ្លឹមសារសង្ឃប្រកាសអនុសំវច្ឆរមហាសន្និបាតមន្ត្រីសង្ឃទូទាំងប្រទេសលើកទី៣១ នៅខេត្តរតនគីរី ក្រោមព្រះអធិបតីភាពដ៏ខ្ពង់ខ្ពស់ សម្ដេចព្រះពុទ្ធជ័យមុនី បណ្ឌិត ឃឹម សន ព្រះប្រធានលេខាធិការដ្ឋានគណៈសង្ឃនាយក ព្រះ​រាជតំណាង​ដ៏ខ្ពង់ខ្ពស់​សម្ដេចព្រះ​សង្ឃនាយក​ គណៈ​មហានិកាយ​ នៃព្រះរាជាណាចក្រកម្ពុជា​ និងឯកឧត្តម ប៉ែន វិបុល រដ្ឋលេខាធិការ​ តំណាងដ៏ខ្ពង់ខ្ពស់ ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការនិងសាសនា លោក ខុន តារា អគ្គនាយករង នៃនាយកដ្ឋានកិច្ចការសាសនា ឯកឧត្តម ម៉ា វិចិត្រ អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តមញ៉ែម សំអឿន អភិបាលនៃគណៈអភិបាលខេត្តរតនគិរី ដោយមានព្រះវត្តមាននិងវត្តមានព្រះមន្ត្រីសង្ឃខេត្តទាំងពីរគណៈ ព្រះអនុគណក្រុងស្រុក ព្រះចៅអធិការ ព្រះថេរានុថេរៈ ប្រធានអនុប្រធានមន្ទីរអង្គភាព លោកអាចារ្យគណៈកម្មការវត្ត សរុបចំនួន១៥២​ អង្គ/នាក់ ។

ថ្ងៃ​សៅរ៍​ ១០កេីត​ ខែបុស្ស​ ឆ្នាំ​ថោះ​ បញ្ចស័ក​ ព.ស.២៥៦៧​ ត្រូវនឹង​ថ្ងៃ​ទី២០ ខែមករា ឆ្នាំ២០២៤

ពិធីផ្សព្វផ្សាយខ្លឹមសារអនុសំវច្ឆរមហាសន្និបាតមន្ត្រីសង្ឃទូទាំងប្រទេសលើកទី៣១ ក្រោមអធិបតីភាព សម្តេចព្រះពុទ្ធជ័យមុនី បណ្ឌិត ឃឹម សន ព្រះប្រធានលេខាធិការដ្ឋានគណៈសង្ឃនាយក នៃព្រះរាជាណាចក្រកម្ពុជា ព្រះរាជតំណាងដ៏ខ្ពង់ខ្ពស់ គណៈសង្ឃនាយក នៃព្រះរាជាណាចក្រកម្ពុជា ឯកឧត្តម ស៊ិន សុវណ្ណិ​ អគ្គនាយក នៃអគ្គនាយកដ្ឋានកិច្ចការសាសនា តំណាងដ៏ខ្ពង់ខ្ពស់ ឯកឧត្តម បណ្ឌិត​ ចាយ បូរិន រដ្ឋមន្ត្រីក្រសួងធម្មការនិងសាសនា ព្រះមេគណខេត្តទាំងពីរគណៈ ព្រះរាជាគណៈ ព្រះមន្ត្រីសង្ឃ ព្រះសង្ឃ គណៈកម្មការគ្រប់វត្ត និងសាសនិកដទៃទៀតសរុបប្រមាណ ១៣០អង្គ/នាក់ ជាសមាជិក សមាជិកា ដែលប្រព្រឹត្តទៅនៅសាលប្រជុំមន្ទីរធម្មការ និងសាសនាខេត្តមណ្ឌលគិរី។

ថ្ងៃសុក្រ ៩កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែមករា ឆ្នាំ២០២៤

សម្តេច​ព្រះ​ពោធិវ័ង្ស​ ​កិត្តិបណ្ឌិត​ អំ​ លីមហេង​ សម្ដេច​ព្រះ​អគ្គាធិការ​រងទទួលបន្ទុក​ពុទ្ធិ​ក​សិក្សា​​ ព្រះ​រាជ​តំណាង​ដ៏​ខ្ពង់ខ្ពស់​​ ​សម្ដេច​ព្រះ​មហា​សុមេធា​ធិបតី​ កិត្តិឧទ្ទេស​បណ្ឌិត​ នន្ទ​ ​ង៉ែត​ សម្ដេចព្រះ​អគ្គាធិការ​ នៃ​អគ្គាធិការ​ដ្ឋាន​ពុទ្ធិ​ក​សិក្សា​ជាតិ​ និងឯកឧត្តម​ នរៈ​ រតនៈវឌ្ឍនោ រដ្ឋ​លេខាធិការ តំណាង​ដ៏​ខ្ពង់ខ្ពស់​ ​ឯក​ឧត្ដម​ ចាយ​ បូរិន រដ្ឋ​មន្រ្ដី​ក្រសួង​ធម្មការ​និង​សាសនា​ មួយ​អន្លើ​ដោយសម្ដេច​ ព្រះរាជាគណៈ​ ព្រះមន្រ្តីសង្ឃគ្រប់ឋានានុក្រម និង​មន្ត្រី​រាជការ​ទាំង​អស់​ បានយាង និមន្ត និងអញ្ជើញចូលរួមក្នុងកម្មវិធីបើកវិញ្ញាសា ប្រឡងវិញ្ញាបនបត្រពុទ្ធិកបឋមសិក្សា (បាលីរង) នៅមណ្ឌលរាជធានី​ភ្នំពេញ​ (ពុទ្ធិ​ក​វិទ្យាល័យ​ព្រះ​សុរាម្រឹត​)​ ក្នុង​សម័យ​ប្រឡង​ថ្ងៃ​ទី​២០-២១ ខែ​មករា​ ឆ្នាំ​២០២៤។

សូមថ្វាយព្រះពរ ប្រគេនពរ និងជូនពរ សម្តេច​ ​ព្រះ​រាជា​គណៈ ព្រះ​មន្រ្តីសង្ឃ និងថ្នាក់ដឹងនាំក្រសួង សូមប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ ចម្រើនគ្រប់កាលទាំងពួង ។

ថ្ងៃ​​សៅរ៍​ ១០​កេីត​ ខែ​បុស្ស​ ឆ្នាំ​ថោះ​ បញ្ចស័ក​ ព.ស.២៥៦៦៧​ ត្រូវ​នឹង​ថ្ងៃ​ទី​២០​ ខែ​មករា​ ​ឆ្នាំ​២០២៤

មន្ទីរធម្មការនិងសាសនាខេត្តកែប បានរៀបចំ​ពិធីការផ្សព្វផ្សាយ​អនុសំវច្ឆរៈមហាសន្និបាតមន្រ្តីសង្ឃទូទាំងប្រទេសលេីកទី៣១​ ប្រគេនដល់មន្រ្តីសង្ឃ-ព្រះសង្ឃ​ លោកអាចារ្យ-គណៈកម្មការគ្រប់វត្តទូទាំងខេត្តកែប ពិធីនេះប្រព្រឹត្តទៅ ក្រោមអធិបតីភាព ឯកឧត្តម សន ប៊ុនហួរ រដ្ឋលេខាធិការក្រសួងធម្មការនិងសាសនា តំណាងដ៏ខ្ពង់ខ្ពស់ ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការនិងសាសនា និងសម្តេចព្រះមង្គលមុនីរង្សី ហ៊ូ ឈាវនាថ ព្រះអគ្ត្គារធិការងនៃអគ្គារធិការដ្ឋានពុទ្ធិកសិក្សាជាតិ ព្រះរាជតំណាងដ៏ខ្ពង់ខ្ពស់ សម្ត្តេចព្រះសង្ឃនាយក នៃព្រះរាជាណាចក្រកម្ពុជា នៅសាលប្រជុំសេះសរដ្ឋបាលខេត្តកែប ។

ថ្ងៃសុក្រ ៩កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែមករា ឆ្នាំ២០២៤

ពិធីផ្សព្វផ្សាយខ្លឹមសារសង្ឃប្រកាសអនុសំវច្ឆរមហាសន្និបាតមន្ដ្រីសង្ឃទូទាំងប្រទេសលើកទី៣១ នៅខេត្តព្រះសីហនុ វត្តព្រហ្មកេរ្តិ៍ ឃុំសំរុង ស្រុកព្រៃនប់ ខេត្តព្រះសីហនុ ក្រោមព្រះអធិបតីភាព សម្ដេចព្រះឧត្តមចរិយា បណ្ឌិត ឈឹង ប៊ុនឈា ព្រះរាជតំណាងដ៏ខ្ពង់ខ្ពស់សម្ដេចព្រះនាយកនៃព្រះរាជាណាចក្រកម្ពុជា ឯកឧត្តម សោម រតនា តំណាងដ៍ខ្ពង់ខ្ពស់របស់ឯកឧត្តម​ ចាយ​ បូរិន​ រដ្ឋមន្ត្រីក្រសួងធម្មការ​និងសាសនា ក្នុងបរិយាកាសសោមនស្សរីករាយនិងស្និតស្នាល។

ថ្ងៃអង្គរ ៦កើត ខែបុស្ស ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៦ ខែមករា ឆ្នាំ២០២៤

ពិធីបើកការផ្សព្វផ្សាយខ្លឹមសារសង្ឃប្រកាសអនុសំវច្ឆរមហាសន្និបាតមន្រ្តីសង្ឃទូទាំងប្រទេសលើកទី ៣១ ខេត្តបាត់ដំបងក្រោមព្រះអធិបតីភាព អធិបតីភាព៖

• សម្ដេចព្រះព្រហ្មរតនមុនី ពិន សែម សិរីសុវណ្ណោ ព្រះរាជតំណាងដ៏ខ្ពង់ខ្ពស់សម្ដេចព្រះមហាសុមេធាធិបតី នន្ទ ង៉ែត ព្រះសង្ឃនាយកនៃព្រះរាជាណាចក្រកម្ពុជា
• ឯកឧត្តម​ ខីញ​ ហង្សហួន​ រដ្ឋលេខាធិការក្រសួងធម្មការ​​ តំណាងដ៍ខ្ពង់ខ្ពស់របស់ឯកឧត្តម​ ចាយ​ បូរិន​ រដ្ឋមន្ត្រីក្រសួងធម្មការ​ និងសាសនា
• ឯកឧត្តម​ សុខ​ លូ​ អភិបាលនៃគណៈអភិបាលខេត្តបាត់ដំបង។

ថ្ងៃអង្គារ ៦កើត ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១៦ ខែមករា ឆ្នាំ២០២៤។

ពិធីផ្សព្វផ្សាយខ្លឹមសារអនុសំវច្ឆរមហាសន្នីបាតមន្ត្រីសង្ឃទូទាំងប្រទេសលេីកទី៣១ នៅខេត្តប៉ៃលិន​ សហការជាមួយមន្ទីរធម្មការ​និងសាសនាខេត្ត ក្រោមព្រះអធិបតីភាព​ សម្តេចព្រះព្រហ្មរតនមុនី​ ពិន​ សែម​ តំណាងដ៍ខ្ពង់ខ្ពស់សម្តេចព្រះសង្ឃនាយក​ នៃព្រះរាជាណាចក្រកម្ពុជា ឯកឧត្តម ផែន​ សុផាត​ អនុរដ្ឋលេខាធិការក្រសួងធម្មការ​ និងសាសនា​ តំណាងដ៍ខ្ពង់ខ្ពស់របស់ឯកឧត្តម​ ចាយ​ បូរិន​ រដ្ឋមន្ត្រីក្រសួងធម្មការ​ និងសាសនា ឯកឧត្តមបណ្ឌិត​ ម៉ើង លីដា​ អភិបាលរងខេត្តប៉ៃលិន​ តំណាងដ៍ខ្ពង់ខ្ពស់លោកជំទាវ​ បណ្ឌិត​ បាន​ ស្រីមុំ​ អភិបាល​ នៃគណ:អភិបាលខេ្តប៉ៃលិន

ថ្ងៃចន្ទ ៥កើត ខែបុស្ស ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៥ ខែមករា ឆ្នាំ២០២៤

ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា បានដឹកនាំសហការី អញ្ជើញចូលរួមកិច្ចប្រជុំជាមួយឯកឧត្តម ប៉ា សុជាតិវង្ស ប្រធានគណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ (គណៈកម្មការទី៧) នៃរដ្ឋសភា នៅព្រឹកថ្ងៃទី១៥ ខែមករា ឆ្នាំ២០២៤ នៅវិមានរដ្ឋសភា ។

ឯកឧត្តមរដ្ឋមន្រ្តី បានជម្រាបជូនពីលទ្ធផលការងារសំខាន់ៗរបស់ក្រសួងដែលសម្រេចបាន និងលើកទិសដៅអនុវត្តបន្ត ក្នុងការបំពេញបេសកកម្មក្នុងការអនុវត្តកម្មវិធីនយោបាយ និងយុទ្ធសាស្ត្របញ្ចកោណរបស់រាជរដ្ឋាភិបាលនីតិកាលទី៧ នៃរដ្ឋសភា និងប្រសិទ្ធភាពនៃការអនុវត្តច្បាប់ និងលិខិតបទដ្ឋានគតិយុត្តនានា ដែលក្រសួងត្រូវអនុវត្តបន្តសម្រាប់នីតិកាលទី៧ ជូនដល់គណៈកម្មការជំនាញទាំង១០របស់រដ្ឋសភា ដែលដឹកនាំដោយឯកឧត្តម ប៉ា សុជាតិវង្ស ប្រធានគណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ (គណៈកម្មការទី៧) នៃរដ្ឋសភា។

ឯកឧត្តម ចាយ បូរិន បានធ្វើបទបង្ហាញស្តីពីផែនការសកម្មភាពរបស់ក្រសួង ជូនដល់គណៈកម្មការទាំង១០របស់រដ្ឋសភា ក្នុងនោះក្រសួងបានបន្តរៀបចំសេចក្តីព្រាងច្បាប់ស្តីពីសាសនា នៃព្រះរាជាណាចក្រកម្ពុជា ធ្វើវីដេអូអប់រំសុជីវធម៌ ផ្សព្វផ្សាយនិងបណ្តុះបណ្តាល តួនាទី ភារកិច្ចដល់មន្ត្រីសង្ឃគ្រប់ឋានានុក្រម និងអាចារ្យ គណៈកម្មការវត្ត។ ជំរុញការបោះពុម្ពផ្សាយព្រះត្រៃបិដក គម្ពីរ ដីកា និងទស្សនាវដ្ដី កសាងផ្ទាំងប៉ាណូផ្សព្វផ្សាយពីពុទ្ធឱវាទ (Billboard) នៅទីស្តីការក្រសួង និងតាមផ្លូវចេញចូលពីព្រលានយន្តហោះជាដើម ។

ឯកឧត្តម រដ្ឋមន្រ្តី ក៏បានលើកឡើងពីបញ្ហាប្រឈមមួយចំនួនផងដែរ ដូចជា សេចក្តីព្រាងច្បាប់ស្តីពីសាសនា នៃព្រះរាជាណាចក្រកម្ពុជា មិនទាន់បានរៀបចំរួចរាល់ សមត្ថភាពមន្ត្រីរាជការក្នុងការអនុវត្តគោលនយោបាយឌីជីថល នៅមានកម្រិត វត្តអារាមមួយចំនួនមិនទាន់បានចងក្រងប្រវត្តិវត្តនិងចុះបញ្ជី គណៈដឹកនាំនិងរចនាសម្ព័ន្ធដឹកនាំផ្នែកពាហិរសាសនា ពុំទាន់មានភាពច្បាស់លាស់ ការបើកវិហារ ស្នាក់ការថ្វាយបង្ខំ ឬកន្លែងបង្រៀនគម្ពីរសាសនាមួយចំនួនពុំទាន់អនុវត្តតាមច្បាប់អនុញ្ញាត ធ្វើឱ្យមានអធិករក្នុងសាសនានៅតែបន្តកើតមាន ជំនឿដោយគ្មានមូលដ្ឋានច្បាស់លាស់ ដូចជា គ្រូបារមី គ្រូសណ្ឋិត បង្ហោះសកម្មភាពតាមបណ្តាញសង្គមគ្មានមូលដ្ឋានច្បាស់លាស់ បង្កើតព្រឹត្តិការណ៍គ្មានសណ្តាប់ធ្នាប់ បុគ្គលសង្ឃខ្លះប្រើប្រាស់បណ្តាញសង្គមបង្ហាញសកម្មភាពប្រាសចាកពីធម៌វិន័យ ដើម្បីផលប្រយោជន៍ ពិបាកទប់ស្កាត់អ្នកសារព័ត៌មានអនឡាញមួយចំនួន ដែលផ្សព្វផ្សាយបំពុលសង្គមពាក់ព័ន្ធនឹងជំនឿសាសនា ធ្វើឱ្យប៉ះពាល់ដល់សណ្តាប់សាធារណៈ។

ឯកឧត្តម ប៉ា សុជាតិវង្ស ប្រធានគណៈកម្មការទី៧ នៃរដ្ឋសភា បានវាយតម្លៃខ្ពស់ចំពោះកិច្ចខិតខំប្រឹងប្រែងបំពេញការងាររបស់ក្រសួងក្រោមការដឹកនាំផ្ទាល់ របស់ឯកឧត្តមរដ្ឋមន្ត្រីចាយ បូរិន ដោយបានសម្រេចនូវ សមិទ្ធផលសំខាន់ៗជាច្រើនក្នុងក្របខ័ណ្ឌធម្មការ និងសាសនា។ សម្រាប់សេចក្តីព្រាងច្បាប់ស្តីពីសាសនា តាងនាមគណៈកម្មការទាំង១០ របស់រដ្ឋសភា ឯកឧត្តមប្រធានគណៈកម្មការទី៧នៃរដ្ឋសភា ក៏បានបង្ហាញនូវការគាំទ្រទាំងស្រុង និងបង្ហាញនូវក្តីសង្ឃឹមនិងជំនឿជឿជាក់យ៉ាងមុតមាំថា តាមរយៈទិសដៅជាយុទ្ធសាស្រ្ត និងផែនការ សកម្មភាពជាអាទិភាពដែលក្រសួងបានដាក់ចេញ សម្រាប់នីតិកាលទី៧នៃរដ្ឋសភា និងធ្វើឲ្យវិស័យធម្មការ និងសាសនា ដើរតួនាទីកាន់តែសំខាន់ ថែមទៀត ក្នុងដំណើរការទ្រទ្រង់ការអភិវឌ្ឍសង្គម ប្រកបដោយចីរភាព៕