(រាជធានីភ្នំពេញ) ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា អនុញ្ញាតឱ្យលោកស្រីបណ្ឌិត Maha Damaj តំណាង យូនីសេហ្វ (UNICEF) ប្រចាំព្រះរាជាណាចក្រកម្ពុជា និងសហការី ចូលជួបសម្តែងការគួរសមនិងពិភាក្សាការងារ ថ្ងៃទី២០ ខែតុលា ឆ្នាំ២០២៦ នាទីស្តីការក្រសួង។
លោកស្រីបណ្ឌិត ម៉ាហា ដាម៉ាច (Maha Damaj) តំណាងអង្គការយូនីសេហ្វប្រចាំកម្ពុជា បានជម្រាបជូន ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា អំពីការងារដែលអង្គការកំពុងអនុវត្ត និងគោលបំណងសំខាន់ចំនួន ៥ ស្នើរសុំការអនុញ្ញាតពីក្រសួងធម្ម ការនិងសាសនារួមមាន៖
ទី១.អង្គការ UNICEF ធ្លាប់បំពេញកិច្ចការងារជាមួយក្រសួងធម្មការនិងសាសនា ដោយផ្តោតលើការគាំទ្រកុមារនិងការបញ្ឈប់នូវអំពើ ហិង្សាទៅលើស្ត្រី។
ទី២.ការគាំទ្រទៅលើកិច្ចព្រមព្រៀងមួយចំនួនកន្លងទៅ ស្តីពីការអប់រំកុមារ ពិសេសគឺមេរៀនដែលដាក់នៅពុទ្ធិកសកលវិទ្យាល័យ ព្រះ សង្ឃ សាមណសិស្ស គឺធ្វើយ៉ាងណាឱ្យយល់អំពីការបញ្ឈប់អំពើហិង្សាលើកុមារនិងចិញ្ចឹមកុមារបែបវិជ្ជមាន។
ទី៣.គាត់កោតសរសើរចំពោះក្រសួងធម្មការនិងសាសនា ពិសេសគឺព្រះសង្ឃ ក៏ដូចជាសាសនាដទៃទៀត ដែលបានរួមចំណែកជាមួយ រាជរដ្ឋាភិបាល ក្នុងការពង្រឹងផ្លូវចិត្តដល់កុមារក្នុងកំឡុងពេលដែលប្រទេសកម្ពុជា។
ទី៤.បានស្នើក្រសួងដើម្បីពង្រឹងកិច្ចសហប្រតិបត្តិការក្នុងការលើកតម្កើង ក៏ដូចជាកែលម្អនូវបញ្ហាណាមួយចំនួនដើម្បីវាយតម្លៃឱ្យបានល្អឱ្យ បានប្រសើរឡើងវិញ។
នឹងទី៥.អង្គការ UNICEF បានបំពេញកិច្ចការងារជាច្រើនឆ្នាំកន្លងទៅហើយនៅក្នុងប្រទេសកម្ពុជា ពិសេសជាមួយក្រសួងស្ថាប័ន មាន ក្រសួងធម្មការនិងសាសនា ដែលជាសេនាធិការរបស់រាជរដ្ឋាភិបាល។
ជាការឆ្លើយតប ឯកឧត្តមរដ្ឋមន្ត្រី បានកោតសរសើរចំពោះបេសកកម្មការងាររបស់អង្គការ UNICEF អស់រយៈពេលជាង ៧ទសវត្សរ៍ ព្រមទាំងបានរួមចំណែកជាបន្តបន្ទាប់របស់ UNICEF ក្នុងការលើកកម្ពស់សិទ្ធិ ការការពារការអភិវឌ្ឍ និងសុខុមាលភាពរបស់កុមារ កម្ពុជា ជាមួយរាជរដ្ឋាភិបាលកម្ពុជា ក្រោមការដឹកនាំប្រកបដោយភាពប្រកដនិយមរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។
