ពិធីក្រុងពាលីស្រោចស្រពព្រះសុគន្ធវារីប្រគេន សម្តេចនិងព្រះមន្រ្តីសង្ឃជាន់ខ្ពស់ គណៈមហានិកាយនៃព្រះរាជាណាចក្រកម្ពុជា

ពិធីក្រុងពាលីស្រោចស្រពព្រះសុគន្ធវារីប្រគេន សម្តេចនិងព្រះមន្រ្តីសង្ឃជាន់ខ្ពស់ គណៈមហានិកាយនៃព្រះរាជាណាចក្រកម្ពុជា ចំនួន១១ព្រះអង្គ ក្រោមអធិបតីភាព ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា ,ឯកឧត្តម នាយឧត្តមសេនីយ៍កតិ្តបណ្ឌិត ហុីង ប៊ុនហៀង អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការបញ្ជាការដ្ឋានអង្គរក្ស, ឯកឧត្តម នាយកឧត្តសេនីយ៍ ជួន សុវណ្ណ រដ្ឋមន្រ្តីប្រតិភូអមនាយករដ្ឋមន្រ្តី, ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ នៅវត្តមុនីសុវណ្ណ ហៅវត្តជំពុះក្អែក នារសៀលថ្ងៃទី១៦ ខែវិច្ឆិកា ឆ្នាំ២០២៣ ។

ពិធីក្រុងពាលីសុំពរជ័យ សិរីសួស្តី ជ័យមង្គល ដើម្បីរៀបចំពិធីស្រោចស្រពព្រះសុគន្ធវារីប្រគេន សម្តេចនិងព្រះមន្រ្តីសង្ឃជាន់ខ្ពស់ គណៈមហានិកាយនៃព្រះរាជាណាចក្រកម្ពុជា ទៅតាមប្រពៃណីព្រះពុទ្ធសាសនា។

ក្រោមការយកចិត្តទុកដាក់ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រ លើវិស័យព្រះពុទ្ធសាសនាដែលជាសាសនារបស់រដ្ឋ បានចាត់តាំងគណៈកម្មការរៀបចំពិធីស្រោចស្រពព្រះសុគន្ធវារីប្រគេន សម្តេចនិងព្រះមន្រ្តីសង្ឃជាន់ខ្ពស់ គណៈមហានិកាយនៃព្រះរាជាណាចក្រកម្ពុជា ចំនួន១១ព្រះអង្គដែលនឹងប្រារព្ធធ្វើឡើងនៅថ្ងៃទី១៧ ខែវិច្ឆិកា ឆ្នាំ២០២៣ នៅវត្តមុនីសុវណ្ណ ហៅវត្តជំពុះក្អែក ស្ថិតនៅ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។

នៅក្នុងកិច្ចប្រជុំអន្តរក្រសួងច្រើនលើក ច្រើនសារក្រោមការយកចិត្តទុកដាក់ពីគណៈកម្មការចាត់តាំងពិសេសដែលក្នុងនោះរួមមាន ៖ ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា , ឯកឧត្តម នាយឧត្តមសេនីយ៍កតិ្តបណ្ឌិត ហុីង ប៊ុនហៀង អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការបញ្ជាការដ្ឋានអង្គរក្ស,ឯកឧត្តម នាយកឧត្តសេនីយ៍ ជួន សុវណ្ណ រដ្ឋមន្រ្តីប្រតិភូអមនាយករដ្ឋមន្រ្តី, ឯកឧត្តម ឈិន កេតនា អនុប្រធានអចិន្រ្តៃយ៍ និងជាអគ្គលេខាធិការ នៃគណៈកម្មាធិការជាតិរៀបចំបុណ្យជាតិ-អន្តរជាតិ, ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានធ្វើការប្រជុំសម្រេចបែងចែកភារកិច្ចតាមផែនរៀងៗខ្លួន ដើម្បីរៀបចំទាំងពិធីសាសនា ទម្រង់ភ្លេងសាសនា សន្តិសុខ ទេយ្យទាន ចង្ហាន់ នឹងគ្រឿងឧបភោគ បរិភោគ សម្រាប់ប្រគេនដល់ សម្តេច និងព្រះរាជាគណៈ គណៈមហានិកាយនៃព្រះរាជាណាចក្រកម្ពុជា ឲ្យសមស្របទៅតាមប្រពៃណីព្រះពុទ្ធសាសនាកម្ពុជា ។

សូមជម្រាបជូនផងថា សម្រាប់វិស័យព្រះពុទ្ធសាសនា បានដើរតួនាទីយ៉ាងសំខាន់ក្នុងការរួមចំណែកអភិវឌ្ឍន៏ជាតិ ទាំងការអប់រំសីលធម៌ ចរិយាធម៌ គុណធម៌ និងសុជីវធម៌ដល់ពុទ្ធបរិស័ទគ្រប់ៗរូប៕