ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា អញ្ជើញអធិបតីដឹកនាំកិច្ចប្រជុំទ្វេរភាគីរវាង ក្រសួងធម្មការនិងសាសនានៃព្រះរាជាណាចក្រកម្ពុជា និងគណៈកម្មាធិការសាសនារដ្ឋាភិបាលវៀតណាម សម្រាប់កិច្ចការសាសនានៃ សាធារណរដ្ឋសង្គមនិយមវៀតណាម
រាជធានីភ្នំពេញ ៖ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា អញ្ជើញជាអធិបតីដឹកនាំថ្នាក់ដឹកនាំក្រសួងធម្មការនិងសាសនា ក្នុងកិច្ចប្រជុំទ្វេរភាគីរវាង ក្រសួងធម្មការនិងសាសនា នៃព្រះរាជាណាចក្រកម្ពុជា និងគណៈកម្មាធិការសាសនារដ្ឋាភិបាលវៀតណាម សម្រាប់កិច្ចការសាសនានៃ សាធារណរដ្ឋសង្គមនិយមវៀតណាម ដែលដឹកនាំគណៈប្រភិភូវៀតណាមដោយ ឯកឧត្តម ងៀន អាញ់ជឹក ( HE. Nguyen Anh Chuc) អនុប្រធានគណៈកម្មាធិការសាសនារដ្ឋាភិបាលវៀតណាម នាល្ងាចថ្ងៃទី២៣ ខែតុលា ឆ្នាំ២០២៣ នៅទីស្តីការក្រសួង។
នៅក្នុងកិច្ចប្រជុំនេះ ឯកឧត្តម ងៀន អាញ់ជឹក ( HE. Nguyen Anh Chuc) អនុប្រធានគណៈកម្មាធិការសាសនារដ្ឋាភិបាលវៀតណាម បានសុំអនុសាសន៍ដោយ ផ្តោតលើគោលបំណងសំខាន់រួមមាន៖
១.បន្តកិច្ចសហប្រតិបត្តិការ លើការបណ្ដុះបណ្ដាលវគ្គសិក្សារវាងមន្ត្រីនៃព្រះរាជាណាចក្រកម្ពុជានិងមន្ត្រីនៃសាធារណរដ្ឋសង្គមនិយមវៀតណាម។
២.ពង្រឹងវិស័យព្រះពុទ្ធសាសនាឲ្យកាន់តែរីកចម្រើន។
៣.អនុវត្តនៅច្បាប់ទម្លាប់របស់ប្រទេសនីមួយៗលើវិស័យព្រពុទ្ធសាសនា។
ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា បានមានប្រសាសន៍ថា ដោយសារព្រះពុទ្ធសាសនានៅកម្ពុជាបានដើរតួនាទីយ៉ាងសំខាន់ក្នុងការចូលរួមអភិវឌ្ឍន៏សង្គមជាតិ ពិសេសអប់រំមនុស្សឆ្ពោះទៅរកសន្តិភាពផ្លូវចិត្ត ដូចនេះ ក្រសួងធម្មការនិងសាសនា សូមស្វាគមន៏នៅការចូលរួមវគ្គសិក្សាបណ្តុះបណ្តាលជាមួយនិងរដ្ឋាភិបាលវៀតណាម ដើម្បីជាការរឹតចំណងមេត្រីភាពដែលមានសម្រាប់ឲ្យកាន់តែរីកចម្រើនទ្វេរឡើងថែមទៀត៕
