ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា អនុញ្ញាតឲ្យ ព្រះតេជគណ អុីន ស៊ុន (YIN SHUN) អនុប្រធានសមាគម ព្រះពុទ្ធសាសនា នៃសាធារណរដ្ឋប្រជាមានិតចិន ចូលជួបសម្តែងការគួរសម និងពិភាក្សាការងារ

ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា អនុញ្ញាតឲ្យ ព្រះតេជគណ អុីន ស៊ុន (YIN SHUN) អនុប្រធានសមាគម ព្រះពុទ្ធសាសនា នៃសាធារណរដ្ឋប្រជាមានិតចិន ចូលជួបសម្តែងការគួរសម និងពិភាក្សាការងារ

ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា ធម្មបដិសណ្ឋារកិច្ច ព្រះតេជគណ អុីន ស៊ុន (YIN SHUN) អនុប្រធានសមាគម ព្រះពុទ្ធសាសនា នៃសាធារណរដ្ឋប្រជាមានិតចិន និងជាព្រះចៅអធិការវត្ត ហុងហ្វា (Hong Fa )ខេត្តហ្គង ទុងចូលជួបសម្តែងការគួរសម និងពិភាក្សាការងារ នាទីស្តីការក្រសួង រសៀលថ្ងៃទី០៤ ខែមិថុនា ឆ្នាំ២០២៤។

នាជំនួបឱកាសនេះ ព្រះតេជគណ អុីន ស៊ុន (YIN SHUN) បានលើកឡើងពីគោលបំណង សំខាន់ៗមួយចំនួនដូចជា៖

១.សូមអញ្ជើញ ឯកឧត្តម រដ្ឋមន្រ្តី អញ្ជើញចូលរួមវេទិកាសន្និសីទព្រះពុទ្ធសាសនា នៅប្រទេសនេប៉ាល់។

២. ព្រះតេជគណ បានបង្ហាញជូនឯកឧត្តម រដ្ឋមន្រ្តី ពីគម្ពីរបុរាណព្រះពុទ្ធសាសនា ជាភាសាខ្មែរ។

៣.ក្នុងនោះ ព្រះតេជគណ អុីន ស៊ុន (YIN SHUN) មានគោលបំណងផ្តល់អាហារូបករណ៍ដល់ សាមណៈសិស្ស ទៅសិក្សា នូវប្រទេសចិនជារៀងរាល់ឆ្នាំ ។

៤. ព្រះតេជគណ អុីន ស៊ុន (YIN SHUN) មានគោលបំណងជម្រាបសួរ ឯកឧត្តម រដ្ឋមន្រ្តី ស្តីពី ថ្នាក់ដឹកនាំព្រះពុទ្ធសាសនា ដែលតម្រូវដឹកនាំបន្តពី សម្ដេចព្រះអគ្គមហាសង្ឃរាជាធិបតី កិត្តិឧទេ្ទសបណ្ឌិត ទេព វង្ស អតីតសម្ដេចព្រះមហាសង្ឃរាជនៃព្រះរាជាណាចក្រកម្ពុជា  ក្នុងវិស័យព្រះពុទ្ធសាសនានៅកម្ពុជា។

នាឱកាសនេះ ឯកឧត្តម រដ្ឋមន្ត្រី សូមថ្លែងអំណរគុណ ព្រះតេជគណ អុីន ស៊ុន (YIN SHUN) ដែលបាននិមន្តចូលរួម ព្រះរាជពិធីថ្វាយព្រះភ្លើង ព្រះបរមសព សម្ដេចព្រះអគ្គមហាសង្ឃរាជាធិបតី កិត្តិឧទេ្ទសបណ្ឌិត ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា  “មហាវីរសង្ឃសិរីធម្មរាជ” ជាការចូលរួមចំនែករំលែកនូវមហាទុក្ខដ៏ក្រៀមក្រំជាមួយរាជរដ្ឋាភិបាលនិងប្រជាជនកម្ពុជា។ 

ឯកឧត្តម ចាយ បូរិន បានមានប្រសាសន៍ បញ្ជាក់ផងដែរថា ឯកឧត្តម និងចាត់ក្រុមការងារជំនាញសិក្សាពីវេទិកាពុទ្ធសាសនានៅសមុទ្ទចិនខាងត្បូង ដែល ព្រះតេជគណ អុីន ស៊ុន (YIN SHUN) បានអញ្ជើញឯកឧត្តម រដ្ឋមន្រ្តីជាអធិបតីកិត្តិយស។

ឯកឧត្តម សង្ឃឹមថា តាមរយៈជំនួបដ៏មានតម្លៃនេះ និងជាការបង្កើតនូវកិច្ចសហការក្នុងវិស័យព្រះពុទ្ធសាសនាកម្ពុជា ដែលមានក្រសួងធម្មការនិងសាសនាជាសេនាធិការរបស់រាជរដ្ឋាភិបាល និងព្រះពុទ្ធសាសនាចិន ដឺលដឹកនាំដោយ ព្រះតេជគណ អុីន ស៊ុន (YIN SHUN) អនុប្រធានសមាគម ព្រះពុទ្ធសាសនា នៃសាធារណរដ្ឋប្រជាមានិតចិន និងជាព្រះចៅអធិការវត្ត ហុងហ្វា (Hong Fa )ខេត្តហ្គង ទុង កាន់តែមានភាពរីកចម្រើន និងអភិវឌ្ឍន៍ជារៀងដរាបតរៀងទៅ៕