រាជធានីភ្នំពេញ ៖ ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា អនុញ្ញាតឱ្យឯកអគ្គរាជទូតព្រះរាជាណាចក្រថៃប្រចាំនៅកម្ពុជា ចូលជួបសម្តែងការគួរសម និងពិភាក្សាការងារ ព្រមទាំងជូនពរ អបអរសាទរចំពោះឯកឧត្តមរដ្ឋមន្រ្តី នៅទីស្តីការក្រសួង។
នាឱកាសពិភាក្សាការងារនោះ ឯកឧត្តម រដ្ឋមន្ត្រីក្រសួងធម្មការ និងសាសនា បានពិភាក្សាលើការងារសំខាន់ៗចំនួន ៣ គឺ៖
១. ការដង្ហែកឋិនព្រះរាជទានរបស់ព្រះមហាក្សត្រថៃ មកកាន់វត្តសិត្បូ ស្ថិតនៅសង្កាត់សិត្បូ ក្រុងតាខ្មៅ ខេត្តកណ្តាល។ ២. ការផ្តល់អាហារូបករណ៍ដល់សមណនិស្សិត និស្សិត ទៅសិក្សានៅព្រះរាជាណាចក្រថៃ។ ៣. ការដង្ហែព្រះបរមសេរិរិកធាតុពីប្រទេសឥណ្ឌា មកកម្ពុជា នៅពេលខាងមុខនេះ។