ប្រឡងវិញ្ញាបនបត្រធម្មវិន័យ ថ្នាក់ត្រី ទោ ឯក នៅមណ្ឌលវត្តសំរោងអណ្តែត នៃវិទ្យាល័យ ហ៊ុន សែន ភ្នំពេញថ្មី បានបើកការប្រឡងទៅតាមពេលវេលាកំណត់ ក្រោមព្រះអធិបតី និងអធិបតីភាព សម្ដេចព្រះពុទ្ធជ័យមុនី បណ្ឌិត ឃឹម សន ព្រះមេគណរាជធានីភ្នំពេញ សម្ដេចព្រះសាក្យមុនី កិត្តិបណ្ឌិត រ័ត្ន សារឿន ព្រះអនុគណខណ្ឌសែនសុខ សម្ដេចព្រះមង្គលមុនីរង្សី ហ៊ូ ឈីវនាថ ព្រះបាឡាត់គណរាជធានីភ្នំពេញ ឯកឧត្តម ម៉ាន់ ឈឿន សមាជិកព្រឹទ្ធសភា នៃព្រះរាជាណាចក្រកម្ពុជា លោកជំទាវ ទូច សារ៉ុម រដ្ឋលេខាធិការ ក្រសួងធម្មការនិងសាសនា ឯកឧត្តម សុខ ពេញវុធ អភិបាលរង នៃគណៈអភិបាលរាជធានីភ្នំពេញ។
ជាមួយនេះ ក៏មានអាជ្ញាធរមូលដ្ឋានតាមឋានានុក្រមចូលរួមផងដែរ។ ក្នុងពេលនោះ គណៈអធិបតី ទាំងព្រះសង្ឃ ទាំងគ្រហស្ថ សុទ្ធតែបានលើកឡើងនូវការផ្ដាំផ្ញើចំពោះសមណសិស្ស សិស្សទាំងអស់ ក្នុងការប្រឡងប្រកបដោយជោគជ័យ ធ្វើយ៉ាងណាសម្រេចលទ្ធផលជារួម នាំមកនូវគុណភាព “ចេះជាប់” ស្របទៅតាមគោលនយោបាយរបស់រាជរដ្ឋាភិបាលយើងផងដែរ។
ថ្ងៃអាទិត្យ ៤ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៤ ខែមករា ឆ្នាំ២០២៤
