ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា អញ្ជើញពិនិត្យមើលទីតាំង ដើម្បីត្រៀមរៀបចំពិធីទទួលនិងតម្កល់ព្រះបរមសារីរិកធាតុ និងព្រះអរហន្តធាតុ នៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ស្ថិតនៅជើងភ្នំព្រះរាជទ្រព្យ ដោយមានការនិមន្តចូលរួមពី សម្ដេចព្រះឧត្តមបញ្ញា កិត្តិបណ្ឌិត ដូង ផង់ ព្រះឧត្តមចរិយាបណ្ឌិត ឈឹង ប៊ុនឈា ព្រះសាសនមុនី ហុឹម ប៊ុនធឿន ប្រធានពុទ្ធមណ្ឌលវិបស្សនាធុរៈ ព្រះមន្ត្រីសង្ឃ ព្រមទាំងមានការអញ្ជើញចូលរួមពីសំណាក់ថ្នាក់ដឹកនាំក្រសួង ឯកឧត្តម លោកជំទាវ អភិបាលរង នៃគណៈអភិបាលរងខេត្តកណ្តាល រាជធានីភ្នំពេញ កំពង់ស្ពឺ កំពង់ឆ្នាំង និងអាជ្ញាធរពាក់ព័ន្ធ។ នាថ្ងៃអាទិត្យ ១៥កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែតុលា ឆ្នាំ២០២៣
